एउटा तारा डाँडा वारी, अर्को तारा पारी।
नेटो काटी गएपनि, दिल हाराहारी।

पहरामा मूल फुटी, झरे दुई खोला।
तलपुगि दोभानमा, भेट हुनेहोला।
चखेवाको यता बास, चखेविको उता।
उही घाऊ मुटुमा छ, चाहे रहुन जता।

एउटा तारा डाँडा वारी, अर्को तारा पारी।
नेटो काटी गएपनि, दिल हाराहारी।

धर्तीबाट कति दुर, आकाश छ माथि।
एउटा को नाम जोडिएको, अर्को को छ छाती।
सुख साथै दुख यहाँ, घाम संगै छाया।
बिछोड मै चिनिन्छ रे, के चिज हो माया।

एउटा तारा डाँडा वारी, अर्को तारा पारी।
नेटो काटी गएपनि, दिल हाराहारी।