खै तिमी काँ निर, देख्दिन यहाँ निर, आऊ बस मुख यता पारेर।
हात अघि सारेर, चकटी तानेर, बस है पलेटी मारेर...२।

आज म मूड मा छु, गीत गाउने सुरमा छु, सुन्नु गीत हात कानमा हालेर।
म गाउदै जान्छु, सुन्दै जाऊ तिमी, मजाले पलेटी मारेर...२।

हात मुख जोड्न काम धेरै गरियो, बाहुला है माथी सारेर।
बालक कालमा पो जे पनि पाइन्थ्यो, रोईदिन्दा खुट्टा बजारेर।

हासीमा हासी खुशी भै खाईयो, पानीमा गुन्द्रुक तारेर।
जतिकै दुख हुँदामा पनि, खाइन कसैलाई मारेर।

संसारमा कयौं खुशी भै खान्छन, आर्का लाई मर्का पारेर।
बरु मरी जाउँला, तर खान्न कहिले, कसैको आँसु झारेर...२।

अरबौ मान्छेहरुमा, तिमी एक मन मिल्ने मान्छे।...२
म मन मिल्ने मान्छे भेट्दा, संसार नै भुल्ने मान्छे...२।
अरबौ मान्छेहरुमा, तिमी एक मन मिल्ने मान्छे।

तराजुमा राखेर धेरै पल्ट, यो दुनिँयालाई मैले जोखेको छु।
सहानुभुतीको आशा गरेर रुदै, बेर्थै वेदना पोखेको छु।
देखेर मानिसको मतलवी चाला...२, रुँदा रुँदै म रोकेको छु।
मलाई सानै चोट लाग्दा पनि, तिमी छट्पटाइ हाल्ने मान्छे।
अरबौ मान्छेहरुमा, तिमी एक मन मिल्ने मान्छे।

म निर्धन, निर्बल र बेअर्थको पानी बिहिन खोला।
म सायद त्यो अस्तित्वहिन मान्छे, मेरो महत्व के होला।
केहि छिन त तैपनि हाँसेरै जिउछु...२, तिमी साथ भएको बेला।
मेरो मृत्यु को खबर सुन्दा यहाँ, तिमी एकछोट रुने मान्छे।

अरबौ मान्छे हरुमा, तिमी एक मन मिल्ने मान्छे।...२
म मन मिल्ने मान्छे देख्दा, संसार नै भुल्ने मान्छे...२।
अरबौ मान्छेहरुमा, तिमी एक मन मिल्ने मान्छे।