[तिम्रो मेरो सम्बन्धको, अर्थ खोज्न कर लाग्यो।...२
ऐना हेरी आफै संग, प्रश्न सोध्न डर लाग्यो।]...२

[जिन्दगीको लामो यात्रा संगै गर्छु भन्नेले।
तिमीसंगै हाँसी खुशी, संगै मर्छु भन्नेले।]...२
दोबाटोमा छादिदिएउ, एक्लै हिड्न कर लाग्यो।
ऐना हेरी आफै संग, प्रश्न सोध्न डर लाग्यो।

[मुटुभित्र बास मागी, मन डढाउनेले।
थाहै नदिई कलेजीमा, छुरा चलाउनेले।]...२
हास्दै बिदा मागीदिएउ, जाऊ भन्नै कर लाग्यो।
ऐना हेरी आफै संग, प्रश्न सोध्न डर लाग्यो।

[स्मृतिका छाल छाडी, टाढा गईदिनेले।
आँखाभरी आँसु दिई, पराई भैदिनेले।] ...२
हृदयको घाऊ दिएउ, सुम्सुम्याउनै करलाग्यो।
ऐना हेरी आफै संग, प्रश्न सोध्न डर लाग्यो।

तिम्रो मेरो सम्बन्धको, अर्थ खोज्न कर लाग्यो।...२
ऐना हेरी आफै संग, प्रश्न सोध्न डर लाग्यो।