[तारा मात्रै हैन तिमीलाई, जूनै दाईजो दिईदिउँला।
माग तिमी तिमीलाई मेरो, जिन्दगी नै दिईदिउँला।]…२

तिमीलाई मेरो...२, झिलीमिली, आकाश नै ओढाउँला।
त्यो पाऊमा, रंगीचंगी बसन्त चढाउँला।
तिमीले पाऊ टेक्ने ठाउँमा, शितका थोपा छरि दिउँला।
तिमीले सास, फेर्ने ठाउँमा, सुबासले भरि दिउँला।

तारा मात्रै हैन तिमीलाई, जूनै दाईजो दिईदिउँला।
माग तिमी तिमीलाई मेरो, जिन्दगी नै दिईदिउँला।

तिमीलाई मेरो...२, मुटुको यो ढुकढुकीले जगाउँला।
ती नशामा, जोवनको मधुर धारा बगाउँला।
सुकुमारी तिम्रा ओठ ति, ओठमा संगालुला।
तिमीलाई मेरै न्यानो न्यानो, अंगालोमा म अंगालुला।

तारा मात्रै हैन तिमीलाई, जूनै दाईजो दिईदिउँला।
माग तिमी तिमीलाई मेरो, जिन्दगी नै दिईदिउँला।